Azərbaycan tam olaraq rəqəmsal TV-yə keçməyə başlayır

Oxu.Az xəbər verir ki, bunu Trend-ə ölkənin telekommunikasiya bazarındakı mənbə deyib.

Mənbə bildirib ki, ilkin olaraq analoq yayım ötürücülərinin dayandırılması üzrə işlər artıq ikinci rübdən başlayacaq: 

"Rəqəmsal TV-yə keçid mərhələli olacaq. Analoq yayım öncə rəqəmsal TV siqnalının davamlılığını təmin etmək üçün ehtiyat ötürücülərin olduğu yaşayış məntəqələrində dayandırılacaq.

İlk növbədə, rəqəmsal televiziyaya tam keçid Bakıda həyata keçiriləcək”.

Qeyd edək ki, hazırda respublika yaşayış məntəqələrinin rəqəmsal televiziya siqnalı ilə əhatə olunması 99%-ə çatır.