Bank of Baku-dan Yeni Xidmət: Suallarınızı Video Zənglə ünvanlayın!

"Video zəng” xidməti nədir?

Video zəng, bankla əlaqə saxlamaq istəyən müştərilərə təqdim edilən bir çox xidmət vasitələrindən biri olub, müştəriyə Bankın məsul əməkdaşı ilə video görüntü əsasında müraciətini ünvanlamaq imkanı yaradan yeni xidmət növüdür. Bank, 145 Məlumat Mərkəzi vasitəsilə təqdim etdiyi bu xidmət vasitəsilə müştərilərə suallarına cavabı birbaşa olaraq mərkəzin məsləhətçisindən əldə etmək üçün zəmin yaradır.

Xidmətdən kim və necə faydalana bilər?

Video zəng xidmətindən bütün müştərilər, eləcə də Bankın xidmət və məhsulları haqqında məlumat əldə etmək istəyən hər bir şəxs faydalana bilər. Xidmətdən istifadə üçün Bankın korporativ saytında http://www.bankofbaku.com/ "video zəng” düyməsinə basmaqla keçid almaq olar. Xidmətdən istifadə qaydası ilə bağlı qısa video təlimatla bu linkdən tanış ola bilərsiniz.

Video zəng xidmətinin əsas üstünlükləri hansılardı?

* Dünyanın istənilən nöqtəsində internetə çıxışınız varsa, məsləhətçi ilə əlaqə saxlaya bilərsiniz. Müştəri müraciətini həm video, həm də audio zəng vasitəsilə və ya yazaraq ünvanlaya bilər.

* Onlayn bələdçilik xidmətindən faydalanmaq imkanı - əgər müştəri Bankın saytında hansısa məlumatın tapılmasında çətinlik çəkərsə, məsləhətçi saytda həmin yeri işarələyib ona nümayiş etdirə bilər

* Fayl göndərmək imkanı – həm müştəri, həm də məsləhətçi fayl göndərmək imkanına malikdirlər

* Yazışmanı yadda saxlamaq imkanı – nüsxəsini e-poçtunuza göndərə və ya çap edə bilərsiniz

* Digər – məsləhətçi məşğul olduğu halda istifadəçi zəng sifarişi yerləşdirə, həmçinin mesaj yaza və xidməti qiymətləndirə bilər.

Video zəng xidməti həftəiçi hər gün saat 09:00-dan 18:00-dək müştərilərin xidmətindədir. Bu xidmətlə yanaşı, müştərilər Bank of Baku-ya sual və müraciətlərini həm 145 Məlumat

Mərkəzinə zəng etməklə, həm də Bankın sosial şəbəkələrdəki rəsmi səhifələrinə yazmaqla ünvanlaya bilərlər.

Xatırladaq ki, şəhərdaxili telefonlardan, həmçinin regionlardan 145 Məlumat Mərkəzinə edilən zənglər pulsuzdur. Zəng etmək imkanı olmayan müştərilər, suallarını 8145 qısa nömrəsinə göndərməklə cavablandırılmasını təmin edə bilərlər.

Daha ətraflı:

145 məlumat mərkəzi

 www.bankofbaku.com 

www.facebook.com/bankofbaku