Manatla olan əmanətlərin həcmi artır

Bu barədə Oxu.Az Azərbaycan Mərkəzi Bankına (AMB) istinadən xəbər verir. 

Hesabata görə, ötən ilin analoji dövrü ilə müqayisədə isə fiziki şəxslərin əmanətləri 107,3 mln. manat və ya 1,38% artıb.

"Fiziki şəxlərin manatla əmanətlərinin həcmi aprelin 1-nə 1 milyard 511,6 milyon manat təşkil edib. Bu isə cari ilin fevral ayının yekunları ilə müqayisədə 102,5 milyon manat və ya 7,27% çoxdur. 2015-ci ilin  analoji dövrü ilə müqayisədə isə manat əmanətləri 1 milyard 185,4 milyon manat və ya 44% azalıb”, - deyə bankın hesabatında vurğulanır. 

Bundan başqa, AMB-dən qeyd edilib ki, xarici valyutada olan əmanətlərin həcmi son bir ayda 4,36% azalıb:

"Xarici valyutada fiziki şəxslərin əmanətləri aprelin 1-nə 6 milyard 377,3 milyon manat təşkil edib ki, bu da martın 1-nə olan göstəricidən 291,1 milyon manat və ya 4,36% azdır. 

Ötən ilin analoji dövrü ilə müqayisədə isə xarici valyutada əmanətlər 1 milyard 292,7 milyon manat və ya 25,4% artıb”.