"Azəri-Çıraq-Günəşli"nin payçılarından biri layihəni tərk edir

Hindistanın "ONGC Videsh Limited" şirkəti "Azəri-Çıraq-Günəşli" (AÇQ) layihəsindəki payını satmaq niyyətindədir.

 

"APA-Economics" "Reuters" agentliyinə istinadən xəbər verir ki, "ONGC Videsh Limited" AÇQ-dəki 2,72%-lik payını sataraq "sırf neft biznesinə fokuslanmaq niyyətindədir" və bununla bağlı SOCAR-la müqavilə imzalayıb. Müqavilənin detalları açıqlanmır.

 

"Azəri", "Çıraq" yataqlarının və "Günəşli" yatağının dərinsulu hissəsinin işlənməsi haqqında müqavilə 1994-cü il sentyabrın 20-də imzalanıb və elə həmin il dekabrın 12-də qüvvəyə minib. Layihənin iştirakçıları BP (35,78%), ABŞ-ın "Chevron" (11,27%), "ExxonMobil" (8,0006%), Hindistanın "ONGC Videsh Limited" (2,72%), Yaponiyanın "Inpex" (10,96%), "Itochu" (4,3%), SOCAR (11,65%), Norveçin "Statoil" (8,56%), Türkiyənin TPAO (6,75%) şirkətləridir.

Sosial səhifəl