Azərbaycan Qazaxıstandan taxıl alacaq

 

Report "Kazak-zerno” saytına istinadən verdiyi məlumata görə, Qazaxıstan ənənəvi satış bazarları olan Əfqanıstana 4,2 milyon ton, İrana 1,8 milyon ton, Çinə 500 min ton, Gürcüstana 200 min ton, Rusiyaya isə 900 min ton taxıl tədarük etmək niyyətindədir.

Qeyd edək ki, bu ilin əvvəlindən qazaxıstanlı dəmiryolçular 7 milyon tondan artıq taxıl məhsulunun daşımasını həyata keçiriblər. Yeni məhsulun daşınma əməliyyatlarının təşkilinə dair məsələlər "Qazaxıstan Dəmir Yolları” SС-nin vitse-prezidenti Kanat Alpısbayevin sədrliyi ilə keçirilən toplantıda əsas müzakirə mövzusu olub.

Toplantı zamanı bildirib ki, Qazaxıstan taxılı Mərkəzi Asiya, Yaxın Şərq, Rusiyaya ixrac olunur. Çin istiqamətində taxılın daşınma həcmləri artır: 

"Cari ildə Çinə 200 min tondan artıq məhsul göndərilib. Eyni zamanda, İrana multimodal daşımaların həyata keçirilməsi üçün bütün zəruri şərtlər yaradılıb. Aktau limanında ildə 1,5 milyon ton taxıl emaletmə həcminə malik, 60 min ton gücündə taxıl qəbul edilməsi üçün yeni terminal inşa edilib. Həmçinin, taxıl məhsullarının daşınma əməliyyatlarını tam təmin etmək üçün 7 min vaqona ehtiyac duyulur”.