Bu bank kartı kodunu hər saat dəyişir
09.10.2016 09:51
Fransanın "Oberthur Technologies” şirkəti təhlükəsizlik kodunu hər saat dəyişən kredit kartı hazırlayıb. İstehsalçıların fikrincə, belə təhlükəsizlik tədbiri kart oğurlandıqda ondan istifadəni qeyri-mümkün edəcək.
ANN.Az Ictnews.az-a istinadən xəbər verir ki, son zamanlar kredit bank kartları ilə bağlı internet fırıldaqçılıq geniş vüsət alıb.
Əksər banklar şübhəli əməliyyatların nişanlanması yolu ilə fırıldaqçılarla mübarizə aparmağa çalışsa da, amma bu sistem özünü doğrultmayıb. Fransanın "Sosiete General” və "Groupe BPCE” bankları "Oberthur Technologies” şirkəti tərəfindən hazırlanmış və fırıldaqçılığın qarşısının alınması üzrə "Motion Code” adlı yeni sistem tətbiq edib.
Kredit kartının arxa tərəfində yerləşdirilmiş kiçik ekranda hər saat təhlükəsizlik kodu dəyişilir ki, bu da fırıldaqçı əməliyyat cəhdlərinin qarşısını alır. Ekran möhkəm sukeçirməz materialdan hazırlanıb və 3 illik kiçik litium akkumulyator vasitəsilə işləyir.
Kart yaxın vaxtlarda Fransada əlçatan olacaq.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
