9 nömrəli "BakuBus" niyə istifadəyə verilmədi? - RƏSMİ AÇIQLAMA
03.11.2016 15:19
Bu ilin may ayının əvvəlində "BakuBus” MMC 9 nömrəli marşrut xətti ilə paytaxt sakinlərinin xidmətində olacağı ilə bağlı mətbuatda xəbər yayılmışdı. Qurumun mətbuat xidməti ilk iki sınaq günündə 8 ədəd avtobusun xəttə buraxılacağını, üçüncü gündən etibarən, normal rejimdə işə başlayacağını demişdi.
Buna baxmayaraq, marşrut xətti hələ də istifadəyə verilməyib.
ANN.Az 9 saylı marşrutun hansı səbəbdən hələ də işləmədiyini və nə vaxt xəttə buraxılacağı ilə bağlı "BakuBus” MMC ilə əlaqə saxlayıb.
"BakuBus" MMC
Qurumdan bildiriblər ki, məsələ ilə bağlı bütün məqamlar, eləcə də, yeni "BakuBus”ların istifadəyə verilməsini və hansı yollarla hərəkət etməsini Bakı Nəqliyyat Agentliyi təyin edir.
Nuridə Allahyarova - Bakı Nəqliyyat Agentliyinin mətbuat katibi
Bakı Nəqliyyat Agentliyinin mətbuat katibi Nuridə Allahyarova ANN.Az-a açıqlamasında ümumiyyətlə, "BakuBus”-ın 9 nömrəli marşrut xətti ilə bağlı mətbuata heç bir açıqlama vermədiyini dedi.
"Ola bilsin ki, mənim adımdan bu məlumatları veriblər. Mətbuata belə bir açıqlama verməmişəm. "BakuBus”ın 9 nömrəli marşrut xəttinin istifadəyə verilməsi isə yaxın gələcəkdə gözlənilir”, - deyə qurum sözçüsü əlavə edib.
Xatırladaq ki, 9 nömrəli marşrut xəttinin gediş istiqamətləri belə idi:
Təkrar Metal Zavodu ("Çermet” körpüsü) - Keşlə bazarı - N. Nərimanov m/s - Gənclik m/s - Tibb Universiteti - Heydər Əliyev Sarayı - Sahil metrosu - Azneft meydanı - Səbail meydanı - Su İdman Mərkəzi.
Qayıdış istiqaməti:
Su İdman Mərkəzi - Səbayıl meydanı - Azneft meydanı - Mərkəzi Bank - Koroğlu parkı - Gənclik m/s - N. Nərimanov m/s - Keşlə bazarı - Təkrar Metal Zavodu ("Çermet” körpüsü).
Hazırda "BakuBus"ın istifadədə olan marşurtları bunlardır: 1, 2, 3, 5, 6, 7, 8, 13, 14.
Sonuncu dəfə 12 may 2016-cı ildə "BakuBus” MMC-nin 13 nömrəli marşrut xətti istifadəyə verilib.
Orxan Aslanlı
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
