Enerji ilə ən tez dolan mobil cihazlar - SİYAHI AÇIQLANDI

İKT.lent.az-ın "Phonearena” resursuna istinadən məlumatına görə, resurs hətta smartfonun dolma qrafikini də qurub. 

Onların məlumatına görə, akkumulyatordan cihaza enerji sürətinin ötürülməsinə görə ən effektiv model "Motorola” şirkətinin "Z Droid Edition” adlanan cihazıdır. Onu tam olaraq 72 dəqiqəyə doldurmaq mümkündür. 

Ondan sonra 74 dəqiqəyə dola bilən "OnePlus 3” cihazı gəlir. Həmçinin 76 dəqiqəyə dolan LG şirkətinin G5 və 86 dəqiqəyə dolan eyni şirkətin V20 modelləri gəlir. Bundan sonra siyahıda Cənubi Koreyanın "Samsung" şirkətinin əfsanəvi yenilikləri olan "Galaxy S7” və "S7 Edge” modelləri durur. 

Ən gec dolan cihaz isə "iPhone 7 Plus” olub. Onun tam dolma müddəti 197 dəqiqədir. Buna baxmayaraq, "Apple” şirkəti bildirib ki, onun yeni smartfonları tez dolma funksiyasına malikdir, ancaq bu məlumat təcrübədə təsdiqini tapmayıb. Yarım saat ərzində mobil telefon cəmi 50 faizə qədər dola bilir. Ancaq tez dola bilən akkumulyatorlar öz gücünü daha tez itirirlər.