Azərbaycan Belarusla saxta dərmanlara qarşı birgə mübarizə aparacaq
16.11.2016 22:17
Səhiyyə Nazirliyi Analitik Ekspertiza Mərkəzi və Belarusun "Səhiyyə xidmətində ekspertiza və tədqiqatlar Mərkəzi” arasında qarşılıqlı anlaşma və əməkdaşlıq haqqında memorandum imzalanıb.
Səhiyyə Nazirliyinin mətbuat xidmətindən Trend-ə verilən məlumata görə, memorandumun əsas predmeti dərman vasitələri, tibbi ləvazimat və tibbi texnikanın ekspertizası, onların keyfiyyətinə nəzarət, farmakonəzarət, elmi tədqiqatlar, dərman vasitələri və tibbi ləvazimatlar dövriyyəsinə dair məlumat mübadiləsi sahələrində əməkdaşlığı inkişaf etdirməkdir.
Memorandumda təcrübə mübadiləsi, eləcə də dərman vasitələri və tibbi ləvazimatların qeydiyyatı və dövriyyəsi sahələrində beynəlxalq standartların tətbiq edilməsinə dair tövsiyələrin hazırlanmasına dəstək, qabaqcıl təcrübə, metodika və praktika, tədqiqat materiallarının mübadiləsi, saxta məhsullara qarşı mübarizə üsulları, bu istiqamətdə informasiya mübadiləsi və s. bu kimi məsələlərdə əməkdaşlıq öz əksini tapıb.
Sənəd Minskdə təşkil olunmuş "Şərqi Avropa və Mərkəzi Asiya ölkələrində keyfiyyətli və ucuz antiretrovirus və vərəm əleyhinə preparatların əlçatan olmasının genişləndirilməsi üzrə Regional Konfrans”dan sonra keçirilən görüş zamanı imzalanıb. Ölkəmizi konfransda Analitik Ekspertiza Mərkəzinin direktoru Murad Suleymanov təmsil edib.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
