BTC kəmərinə 9 ayda 128 mln. dollar xərclənib

ANN.Az xəbər verir ki, bu barədə "BP-Azerbaijan” şirkətinin hesabatında qeyd olunub.

Məlumata görə, 176 8km uzunluğunda olan BTC boru kəməri 2006-cı ilin iyun ayında istismara veriləndən üçüncü rübün sonunadək, bu boru kəməri vasitəsilə ümümilikdə, 341 milyon ton (təxminən 2,55 milyard barel) xam neft nəql edilib, Ceyhanda 3354 tankerə yüklənərək dünya bazarlarına göndərilib. 2016-ci ilin üç rübü ərzində isə BTC vasitəsilə təqribən 25,7 milyon ton (193 milyon barel) xam neft ixrac olunub və bu neft Ceyhanda 242 tankerə yüklənib. 

Hazırda, BTC boru kəməri əsasən, Azərbaycandan AÇG nefti və Şahdəniz kondensatı daşıyır. Bundan əlavə, BTC vasitəsilə digər xam neft və kondensat həcmləri də, o cümlədən, Türkmənistan və Qazaxıstan nefti nəql olunur. 

Qeyd edək ki, BTC Ko.-nun səhmdarları: BP (30,10%); AzBTC (25,00%); Şevron (8,90%); Statoyl (8,71%); TPAO (6,53%); ENİ (5,00%); Total (5,00%), İTOÇU (3,40%); İNPEKS (2,50%), CIECO (2,50%) və ONGC (BTC) Limited (2,36%) şirkətləridir.