Azərbaycan qışa hazırdırmı? - RƏSMİ

Son günlər bir sıra rayonlarda havaların qarlı-şaxtalı keçməsi, yolların buz bağlaması və digər məsələlər sürücülər üçün müxtəlif problemlər yaradır.

Belə ki, rayonlara yağan qar və yağış nəticəsində bir neçə yol sıradan çıxıb. Bu, həmin ərazilərə gediş-gəlişi daha çətinləşdirir. 

Azərbaycanda nəqliyyat sistemi qışa nə qədər hazırdır? Qış rejiminə keçidlə əlaqədar hansı işlər görülür?

 

"Bu istiqamətdə müvafiq addımlar atılır. Buz bağlamış yollara duz və qum səpilir. Harada problem yaşanırsa, həmin ərazilərə problemin aradan qaldırılması üçün texnika göndərilir. Yolların buz bağlaması təbiət hadisəsidir. Bu işdə sürücülərin özləri də qış fəslinə hazır olmalıdır. Aidiyyatı qurumlar qışa nə qədər hazır olsa da, avtomobillər də qaydasında olmalıdır. Avtonəqliyyat vasitəsinin qış şinləri yoxdursa, həmin maşınlar da qış fəslində mütləq şəkildə problem yaranacaq, maşınlar sürüşəcək. Biz nə qədər yollara duz, qum səpsək də, sürücü yay şini ilə avtomobili idarə edirsə, bu zaman problem qaçılmazdır. Bu o demək deyil ki, aidiyyatı qurumlar iş görmür, yox. Qurumlarla yanaşı, sürücülər də qış fəslinə hazır olmalıdır”. 

"Duz, qum səpgisi ilə əlaqədar texnikların hamısı hazır vəziyyətdədir. Hər bir əraziyə texnikanı qısa müddət ərzində cəlb etmək mümkün deyil. Gərək, Azərbaycanda o qədər texnika olsun ki, bütün yollarda "keşik” çəksinlər. Bu, qeyri-mümkündür. Ona görə də, yolların kənarlarında duz və qum qarışığından ibarət ehtiyat toplanıb. Sürücülər həmin ehtiyatdan istifadə edib, yollarına davam edə bilərlər”, - deyə A. Nəcəfli əlavə edib.

 

 

"Soyuq hava ilə əlaqədar yol və metereoloji şərait nəzərə alınmalıdır. Belə havada mütləq şəkildə sürət həddi minimuma endirilməlidir. Ara məsafəsi normadan artıq saxlanılmaldır. Şəhər sakinlərinin şəxsi avtomobillərdən deyil, daha çox ictimai nəqliyyat vasitəsində istifadə edilməsi tövsiyyə edilir. Soyuq və şaxtalı hava şəraitində daha çox avtomobil idarəetməyə uyğunlaşan sürücülərə şərait yaratmaq lazımdır. Texniki cəhətdən yaxşı vəziyyətdə olan avtomobillərdən istifadə edilməlidir. Hava şəraitini nəzərə alaraq, mövsümi təkərlərin istifadəsi vacib şərtdir. Təkərlərin təzyiqi hər bir avtomobil üçün standart səviyyədə olmalıdır”.  

 

 

"Ümumiyyətlə, sürücülər avtomobillərə istər yay, istərsə də qış aylarında texniki qulluq göstərməlidirlər. Qış rejiminə keçidlə əlaqədar sürücülərin görməli olduğu ilk iş təkərlərin qış şinləri ilə əvəz edilməsidir. Buzlu yollarda şinlərə zəncir keçirməlidirlər. Mühərrikin soyuducu mayesi, şüşə silənlərin qaydasında olması, avtomobilin qızıdırma sisteminin düzgün işləməsi (salonu qızdıran zaman ön şüşələr buz bağlayarsa, tez əriməsini təmin etmək) duman əleyhinə işıqların daimi yandırılması, akkumulyator (enerji) bateryasına nəzarət etməli (elektrik paylama gücü zəif olan avtomobillərin yola çıxması düzgün deyil) və digər qaydalara mütləq şəkildə əməl edilməlidir”. 

"Məsələn, Rusiyada noyabrın 1-dən aprelin 1-nə qədər qış təkərlərinin salınması məcburidir. Bu, bizdə məcburi deyil. Çünki Azərbaycanın 70-80% bölgəsində qış çox sərt keçmir”, - deyə Ə. Hüseynov qeyd edib.