"Bayramda qiymətlər 70% artacaq"
08.12.2016 12:47
"Çox güman ki, bayram ərəfəsində ötən illə müqayisədə qiymətlərdə 70% artım olacaq. Artıq qoz, fındıq və digər ləpələrin qiymətində ciddi artımlar yaşanır”.
ANN.Az xəbər verir ki, bunu Azad İstehlakçılar Birliyinin (AİB) sədri Eyyub Hüseynov "2016-cı ilin istehlak səbəti necə bahalaşdı?" mövzusunda keçirilən mətbuat konfransında deyib.
Onun sözlərinə görə, manatın devalvasiyası və xüsusən də, son günlər qaz və işıq qiymətlərinin artımı ötən ilin müvafiq dövrü ilə müqayisədə ümumilikdə, 25%-dən çox qiymət artımı baş verib.
"Təəssüf olsun ki, il boyu əmtəə bazarında vəziyyət həm kəmiyyət, həm də keyfiyyət nöqteyi-nəzərindən istehlakçıların zərərinə dəyişib. Hökumətin biznes qurumlarına yaratdığı rahat və toxunulmazlıq şəraiti xüsusi rol oynayıb. Prezident İlham Əliyevin göstərişi İqtisadiyyat Nazirliyi və digər dövlət orqanları tərəfindən adekvat şəkildə yerinə yetirilmir. İlham Əliyevin tapşırıqlarında monopoliyanın ləğvi, şişirdilmiş qiymətlərin qarşısının alınması, biznes qurumlarında rüşvət hallarının sıfıra endirilməsi və onların toxunulmaz şəraitdə fəaliyyəti nəzərdə tutulub. Lakin bütün bunlar o demək deyil ki, ölkənin əmtəə bazarında insan həyatı üçün təhlükəli hallar artsın, kim nə istəyir, onu gətirib satsın”, - deyə E. Hüseynov əlavə edib.
Sədr həmçinin qeyd edib ki, əslində bütün göstərişlər qiymətlərin enməsinə, məhsulların keyfiyyətinin yüksəlməsinə xüsusi təsir göstərməli idi:
"Amma şikayətlər və araşdırmalar bunu göstərdi ki, mənzərə nəzərdə tutulanın əksinə olub. Təəssüflər olsun ki, İlham Əliyevin göstərişləri bazarda özünün lazımi inikasını tapa bilmədi. Çünki dövlət orqanları həmin tapşırıqları düzgün həyata keçirmədi”.
Orxan Aslanlı
www.ann.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
