"Bankların 8 milyon manat borcu var" - Nazirlik
29.12.2016 12:20
2017-ci ilin yanvarın 1-nə bankların faiz və maliyyə sanksiyalarına görə təxminən 8 mln. manatlıq borcu var.
ANN.Az xəbər verir ki, bunu Vergi risklərinin təhlili və nəzarəti baş idarəsinin rəisi Natiq Şirinov Vergi Məcəlləsinə edilmiş son əlavə və dəyişikliklərin şərhinə dair keçirilən mətbuat konfransında deyib.
N. Şirinov bildirib ki, 2017-ci ilin yanvarın 1-nə bankların 2 milyon 190 min manat faiz borcu, maliyyə sanksiyasına görə isə 4 milyon 800 min manat borcu yaranıb:
""Vergi ödəyicilərinin 2017-ci ilin 1 yanvar tarixinə mövcud olan vergi borclarının tənzimlənməsi haqqında" qanun layihəsi qəbul olunsa, bankların faiz və maliyyə sanksiyasına görə, təxminən 8 milyon manat borcu silinəcək".
Vergilər nazirinin müavini Sahib Ələkbərov isə bildirib ki, hazırda 75000-dən çox POS-terminal işlək vəziyyətdədir:
"Doğrudur, bankların bağlanmasından sonra onların sayı azalıb, ancaq hamısı işlək vəziyyətdədir. Hansısa ticarət obyektinə POS-terminal lazım olarsa, banklar vasitəsilə əldə edə bilər. 5 milyondan çox əhalidə bank kartları var, lakin vərdiş yoxdu. Bu, bizdə vərdiş halını almalıdır".
Orxan Aslanlı
Instagram
Bizi Instagramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
