Azərbaycan bu ölkə ilə avtobus reyslərinin sayı artıracaq

 

ANN.Az xəbər verir ki, bu barədə Azərbaycan Dövlət Avtomobil Nəqliyyatı Xidmətinin mətbuat xidmətinin rəhbəri Şəfa Mehmanqızı məlumat verib.

 

"Hazırda Azərbaycan ilə Rusiya arasında 7 beynəlxalq sərnişindaşıma marşrutu fəaliyyət göstərir. Sərnişin daşımalarının coğrafiyasının genişləndirilməsi və marşrutların sayının artırılması məqsədilə hazırda sərnişin axınının vəziyyəti öyrənilir", - deyə Ş.Mehmanqızı əlavə edib.

 

 

"Rusiya tərəfi bu istiqamətdə icazə müddətinin bərpasını təmin edib, hazırda marşrut fəaliyyət göstərir".

 

Xatırladaq ki, ötən il Bakıda keçirilən Rusiya-Azərbaycan Qarışıq Komissiyasının iclasında Rusiya tərəfi Bakı-Kazan marşrutu ilə sərnişin daşınması xidmətlərinin göstərilməsinə dair icazənin müddətinin bitdiyini və böyük tələbat olan istiqamət üzrə sərnişin daşımalarının yenidən bərpası üçün icazə müddətinin tezliklə bərpa olunmasını təklif etmişdir.

 

Qeyd edək ki, Rusiya və Azərbaycan ümumilikdə müntəzəm sərnişin avtobus reyslərinin sayını 15-ə çatdırmağı hədəfləyir.