Şahin Mustafayev: "Yeni Nəticə Qrupu yaradılacaq"
19.01.2017 12:19
"6 oktyabr 2016-cı il tarixində prezident İlham Əliyevin imzaladığı fərmanla Dayanıqlı İnkişaf üzrə Milli Əlaqələndirmə Şurasının yaradılması Azərbaycanın BMT iə əməkdaşlığında yeni yol açıb”.
ANN.Az xəbər verir ki, bunu bu gün Bakıda keçirilən İqtisadiyyat Nazirliyinin, BMT-nin Azərbaycandakı Nümayəndəliyinin təşkilatçılığı ilə BMT və Azərbaycan Tərəfdaşlıq Çərçivəsi (UNAPF) sənədi ilə əlaqədar yüksək-səviyyəli İstiqamətləndirici Komitənin ilk iclasında çıxış edən iqtisadiyyat naziri Şahin Mustafayev deyib.
Onun sözlərinə görə, UNAPF-ın həyata keçirilməsində "Vahid BMT Fəaliyyəti" yanaşmasını təmin etmək üçün BMT-nin göstərdiyi müştərək addımları əlaqələndirmək, eləcə də onlara kömək etmək məqsədilə, Nəticə Qrupu yaradılacaq:
"2016-cı ilin iyulunda Azərbaycan hökuməti 2016-2020-ci illər üçün BMT-Azərbaycan Tərəfdaşlıq Çərçivəsi sənədi imzalanıb. Nəticə Qrupu UNAPF-dakı birinci strateji prioritet sahə olan "Şaxələndirilmənin artırılmasını və layiqli iş imkanlarını özündə ehtiva edən dayanıqlı, inklüziv iqtisadi inkişafın təşviqi" üzrə həyata keçiriləcək tədbirlərin əhatə dairəsinə diqqət yetirəcək. Bununla yanaşı, Qrup fəaliyyətini Dayanıqlı İnkişaf Məqsədlərinə, yeni qəbul edilən İqtisadi İslahatlar üzrə Steateji Yol Xəritəsinə və 2016-2030-cu illər üçün Milli Məşğulluq Strategiyası kimi milli inkişaf planlarına uyğunlaşdırmağa çalışacaq".
Orxan Aslanlı
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
