Banklarda dolların alış-satış məzənnəsi ucuzlaşıb

ANN.Az xəbər verir ki, səhər saatlarında 1 dolların ən aşağı alış məzənnəsi 1,58 manat, satışı isə 1,73 manatdan başlayır.

Dünən hərracdan sonra dolları 1,6500 manata alan, 1,8000 manata satan "Accessbank” bu gün 1,60 manata alır, 1,7990 manata satır.

"Nikoil Bank” hərracdan sonra dünən 1 dolları 1,6500 manata alırdı, 1,75 manata satırdı. Bu gün isə həmin məzənnə müvafiq olaraq 1,6000 manat, 1,7300 manatdır.

"Atabank” da ABŞ valyutasının məzənnəsini aşağı salıb. Bankda dolların alışı 1,6000 manat, satışı isə 1,7300 manatdır. Xatırladaq ki, dünən Bank dolları 1,6500 manata alıb, 1,8350 manata satırdı. 

"CDB Bank” isə yalnız satış qiymətini ucuzlaşdırıb. Bu gün bank dolları 1,7700 manata satır. Dünən isə bu məzənnə 1,8300 manat idi.