Toyuq filesi bahalaşdı

Bazarlarda toyuq filesinin qiyməti qalxıb.  Xezerxeber.az xəbər verir ki, insanlar toyuğun döş əti qiymətinin son 1 həftədir bahalaşdığını deyirlər. Toyuq ətinin qiyməti isə 4 manat 20 qəpik - 4 manat 60 qəpik arasında dəyişməz olaraq qalıb.

Satıcılar da filenin qiymətinin 1 manatdan çox artdığını təsdiq edirlər. Onlar filenin müxtəlif firmalar tərəfindən hazır şəkildə gətirildiyini və qiyməti də firmaların təyin etdiyini deyirlər.

Bazarlarda açıq şəkildə satılan döş əti - filenin qiyməti isə artmayıb. Kiloqramı 6-6 manat 50 qəpiyə file tapmaq mümkündür.

Respublika Quşçular Cəmiyyətinin sədri Aydın Vəliyevin sözlərinə görə, nə toyuğun, nə də filenin qiyməti broylerlər tərəfindən qaldırılıb və əgər belə fakt varsa, qiyməti mağaza sahibləri süni yolla artırıblar. Məhsulun arxasındakı məlumat kağızı mağazada vurulduğundan qiyməti də onlar təyin edirlər.