“Azərsu” Oğuz-Qəbələ-Bakı kəməri üçün üçün material alır

"Azərsu” ASC Oğuz-Qəbələ-Bakı su kəmərlərində baş verə biləcək qəzaların aradan qaldırılması üçün lazım olan mal-materialların satınalınması məqsədilə kotirovka sorğusu elan edir.
 
"APA-Economics” Tender komissiyasının yaydığı elana istinadən xəbər verir ki, kotirovka sorğusunda iddiaçı kimi iştirak etmək istəyənlər "Azərsu” ASC-nin satınalmaların təşkili və idarə olunması departamentinin tenderlərin təşkili şöbəsinə müraciət edə bilərlər.
 
Kotirovka sorğusunda iddiaçı kimi iştirak etmək istəyənlər imzalanmış və möhürlənmiş kotirovka təkliflərini 6 mart 2017-ci il saat 18:00-dan gec olmamaq şərti ilə təqdim etməlidirlər. Göstərilən müddətdən gec təqdim olunan kotirovka təklifləri baxılmadan geri qaytarılacaq.
 
Kotirovka təkliləri "Azərsu” ASC-nin inzibati binasında 7 mart 2017-ci il saat 15:00-da açılacaq. 
 
İddiaçılar və onların səlahiyyətli nümayəndələri zərflərin açılış prosedurunda iştirak edə bilərlər.

www.ann.az