Azərbaycan təbii qazını Avropaya daşıyacaq layihəyə 270 milyon avro ayrılacaq

ANN.Az APA-ya istinadən xəbər verir ki, bu barədə şirkətin yaydığı press-relizdə deyilir.

Məlumatda deyilir ki, "Snam” 2017-2021-ci illərdə qaz-nəqliyyat sektoruna 5 mlrd. avro yatıracaq: 

"Bunun 4,7 mlrd. avrosu İtaliyanın qaz şəbəkəsinin gələcək inkişafına, 270 mln. avrosu isə TAP layihəsinə yönəldiləcək”.

Məlumatda həmçinin deyilir ki, "Snam” TAP-ın İtaliyadan keçən hissəsinə dəstək məqsədilə konsorsiuma 50 mln. avro ayırıb.

TAP layihəsi Avropa Birliyinin enerji təhlükəsizliyi və enerji mənbələrinin diversifikasiyasına görə strateji məqsədlərində əsas rolu oynayır. 

Təbii qazın Azərbaycandan Avropa bazarlarına ixracının ən qısa və birbaşa marşrutunu TAP təşkil edir. TAP layihəsi üzrə Albaniya, İtaliya və Yunanıstan arasında "Hökumətlərarası Saziş” 2013-cü ilin fevral ayında imzalanıb. Borunun uzunluğu 878 km təşkil edir. Onun fəaliyyətə başlama tarixi kimi 2020-ci ilin yanvar ayı göstərilir.

TAP-ın ilkin illik daşıma qabiliyyəti 10 mlrd. kubmetrdir (illik 20 mlrd. kubmetrədək artırıla bilər).

Layihə üzrə hazırkı pay bölgüsü: "Cənub Qaz Dəhlizi” QSC - 20%, BP - 20%, "Snam” - 20%, "Fluxys” - 19%, "Enagás” - 16%, "Axpo” - 5%.