BP və tərəfdaşları bu günə qədər Azərbaycandakı sosial layihələrə 72 mln. dollar sərmayə yatırıb

ANN.AZ/ "BP və tərəfdaşları bu günə qədər Azərbaycandakı sosial layihələrə 72 mln. dollardan çox investisiya yatırıb". 

"ANN" xəbər verir ki, bunu Layihələri İdarəetmə Məktəbinin yenidən açılış mərasimində çıxış edən "BP Azerbaijan" şirkətinin əlaqələr, xarici işlər və strategiya üzrə vitse-prezidenti Bəxtiyar Aslanbəyli deyib.

B.Aslanbəylinin sözlərinə görə, təmsil etdiyi qurum bundan sonra da sosial layihələrin reallaşmasına diqqət göstərəcək: 

"Layihələrin İdarəetmə Məktəbinin 300-dən çox məzunu var. Gələn ildən etibarən məktəbdə milliləşdirilmə həyata keçiriləcək və müəllimlər də azərbaycanlı olacaq".

Layihələri İdarəetmə Məktəbinin yenidən açılması tədbiri çərçivəsində BP və tərəfdaşları niyyət memorandumu imzalayıb. Sənədi tərəfdaşlar adından "BP-Azerbaijan" şirkətinin vitse-prezidrnt B.Aslanbəyli imzalayıb.

Həmçinin, sənədi Bakı Ali Neft Məkətəbinin rektoru Elmar Qasımov və "Twenty Eighty Strategy Execution" şirkətinin rəsmi nümayəndəsi Endi Dorlenq imzalayıblar.