Bəzi şirkətlər məhsullarda istehsal tarixini göstərmir

 

ANN.Az Xəzər Xəbər-ə istinadən məlumat verir ki, bəzi şirkətlər istehsal etdiyi məhsulun üzərinə ya istehsal tarixi və saxlanma müddəti haqda məlumatı qeyd etmir, yaxud da bu məlumat elə yazılır ki, heç oxumaq da olmur. 

Belə şirkətlərə qarşı hansı cəzalar nəzərdə tutulur, indi öyrənəcəksiniz.

Heç bir rəqəmə oxşamır, bilmirsən ki, neçədir. Məhsulda istehsal tarixi var, amma son istifadə müddəti yazılmayıb. Bir çox məhsulların üzərində yararlılıq tarixi haqda məlumatlar elə qeyd olunur ki, onları oxumaq mümkün deyil. Bəzi məhsullarda isə istehsal tarixi haqda, ümumiyyətlə, məlumat yoxdur.

Antiinhisar Siyasəti və İstehlakçıların Hüquqlarının Müdafiəsi Dövlət Xidmətindən bildirdilər ki, yararlılıq istehsal və son istifadə tarixi haqda məlumatların yerləşdirilməsinin də standartları var.

Məlumatların belə yerləşdirilməsi müştərinin məhsul haqda məlumat almaq hüququnun pozulması deməkdir və İnzibatı Xətalar Məcəlləsinin 453-cü maddəsinə görə istehsalçını 200 manata qədər cərimə gözləyir.