Təmirsiz mənzillərin alınmasına da ipoteka krediti veriləcək

ANN.Az Xezerxeber.az-a istinadla məlumat verir ki, bu, dövlət başçısının imzaladığı fərmanda öz əksini tapıb. Ekspertlər düşünür ki, bu, dövlətin həyata keçirdiyi mənzil siyasətinin reallaşdırılmasına dəstək olacaq. Bu, Mənzil İnşaatı Dövlət Agentliyinin tikdiyi binalara da tətbiq oluna bilər.

Dəyişikliklər güzəştli ipoteka alanlara daha az ilkin ödəniş imkanı verəcək. Ötən ilə qədər ilkin ödəniş ümumi məbləğin 15 faizi həcmində idisə, bundan sonra 10 faiz olacaq.

İndiyədək Azərbaycanda ipoteka krediti yalnız təmirli və sənədi olan evlərə verilib. Təmirsiz evlərə ipoteka krediti verilməsi alanlara öz zövqlərinə uyğun təmir fürsəti verəcək. Habelə təmirli evi alıb yenidən əl gəzdirməkdən də xilas edəcək.