Tikinti materiallarının istehsalı 50% artıb
18.04.2017 11:15
2017-ci ilin yanvar-mart aylarında ötən ilin analoji dövrü ilə müqayisədə Azərbaycanda tikinti materiallarının istehsalı sahəsində fəaliyyət göstərən müəssisələr tərəfindən istehsal edilmiş məhsulun ümumi dəyəri 50,2% artaraq 111,3 mln. manat təşkil edib.
Dövlət Statistika Komitəsindən "APA-Economics"ə verilən məlumata görə, sementin istehsalı 22,1%, betondan yığma tikinti konstruksiyaların istehsalı 3,5 dəfə, tikinti əhənginin istehsalı 56,9%, hörmə üçün hazır beton qarışığının istehsalı 29,1% artıb.
Metallurgiya sənayesi və hazır metal məmulatlarının istehsalı sahələrində yanvar-mart aylarında 127 mln. manatlıq məhsul istehsal olunub, metallurgiya sənayesində 3,8%-lik artım, hazır metal məmulatlarının istehsalı sahəsində isə 21%-lik azalma müşahidə olunub. Üç ay ərzində sahə üzrə 19,3 min ton (52,1% çox) polad borular, 154,1 ton (16,4 dəfə çox) alüminium çubuqlar, millər və profillər istehsal edilib. Bununla yanaşı, polad tökmənin, alüminium ərintilərinin istehsalı və metalların üst təbəqəsinin emalı üzrə xidmətlərin həcmi azalıb.
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
