Azərbaycanda əmtəəlik təbii qaz artıb? – ARAŞDIRMA

Komitənin ötənilki hesabatında bu göstərici 7 mlrd. 556,8 mln. kubmetr kimi qeyd olunub. Ancaq hesablayarkən azalma tempi 7,96% təşkil edir.

ANN.Az xəbər verir ki, bu barədə Neft Araşdırmaları Mərkəzinin rəhbəri İlham Şaban caspianbarrel.org-da yazıb.

Komitə bildirir ki, hesabat dövründə 4 mlrd. 789,4 mln. kubmetr əmtəəlik təbii qaz hasil edilib (əmtəəlik təbii qaz - satış üçün nəzərdə tutulan təbii qaz) və ötən ilin müvafiq dövrü ilə müqayisədə onun həcmində 0,9% artım qeydə alınıb.

Ancaq komitənin ötənilki hesabatına nəzər yetirdikdə aydın olur ki, 2016-cı ilin yanvar-mart aylarında Azərbaycanda 4 mlrd. 838,9 mln. kubmetr əmtəəlik təbii qaz hasil edilibmiş.

Demək, bu hesabla hazırda əmtəəlik təbii qazın hasilatında 1,02% azalma qeydə alınmalıydı.

Komitənin açıqladığı maraqlı göstəricilərdən biri də ölkədəki təbii qaz ehtiyatlarının həcmi ilə bağlıdır. 

Hesabata görə, 01.04.2017-ci il vəziyyətinə əmtəəlik təbii qaz ehtiyatı həcmləri 2 mlrd. 579,2 mln. təşkil edib. Ötən il bu tarixə bu göstərici 954,6 milyon kubmetr təşkil etmişdi. Yəni, artım 2,7 dəfə olub. 

Ölkənin təbii qaz sənayesində nə baş verib ki, onun ehtiyatlarında belə bir sıçrayışla artım olub? Ehtiyat deyəndə, yeni təbii qaz laylarının və ya yataqlarından getmir. Söhbət yeraltı təbii qaz anbarlarındakı ehtiyatlardan gedir. 

Maraqlıdır ki, Komitənin 2016-cı ilin IV rüb hesabatlarında bu ehtiyatlar dəyişməyib - 1167,3 milyon kubmetr həcmində qalıb, sanki ondan nə istifadə edilib, nə də ona əlavələr olub. 

Ancaq 2017-ci il başlayandan birdən-birə 2 dəfədən çox artıb və 2 mlrd. 517,2 mln. təşkil edib. 

Fevralda 2 mlrd. 549,2 mln. kubmetr, martda isə 2 mlrd. 579,2 mln. kubmetr olub.