"AccessBank"ın cəmi kapitalı 67 mln. manatı ötüb

"AccessBank" cari ilin birinci rübünü müsbət göstəricilərlə başa vurub. Bankdan Anews-az-a verilən məlumata görə, belə ki, bankın açıqladığı maliyyə göstəricilərinə əsasən cəmi kapitalı 28% artaraq 67 mln. 348 min manatadək yüksəlib.
 
Diqqət çəkən amillərdən biri də odur ki, əhalinin "AccessBank"a manatla yatırdığı əmanətlərin məbləği əhəmiyyətli dərəcədə artıb. Belə ki, rübün sonunda bankın əmanət portfeli 7% artım nümayiş etdirərək 301 mln. 795 min manat təşkil edib. Bu isə müştərilərin banka sərgilədiyi yüksək etimadının göstəricisidir. "AccessBankın" Azərbaycan bankları arasında ən yüksək reytinqə və 100% xarici kapitala malik olması bir daha bankın stabilliyini və etibarlılığını təsdiq edir.
 
Həmçinin, müştəriləri cəlb edən xüsusiyyətlərdən biri də odur ki, "AccessBank" müştərilərinin ehtiyaclarına uyğun olaraq, həm fiziki, həm də hüquqi şəxslərə müxtəlif əmanət növlərini təklif edir. Bank müştərilərə sərfəli şərtlərlə "Müddətli”, "Yüksələn”, "Yığım” və "Əlverişli” əmanətlər təklif edərək, istənilən müddətə yatırım etmək üçün şərait yaradır.
 
Xatırladaq ki, "AccessBank" Əmanətlərin Sığortalanması Fondunun üzvüdür.

www.anews.az