Ukrayna Norveçdən qaz idxal edəcək

Ukrayna 2022-ci ildən etibarən Norveçdən qaz idxal edəcək. "Report"un "RBC"-yə istinadən verdiyi xəbərə görə, bu barədə Ukraynanın energetika və kömür sənayesi nazirinin müşaviri Maksim Belyavskiy öz "Facebook" səhifəsində yazıb.

"Norveç qazının birbaşa Ukraynaya nəqli artıq reallıqdır. Bu, 2022-ci ildən baş tutacaq. Bizə ancaq UA-PL (Ukrayna-Polşa) interkonnektorlarını inşa etmək qalıb", - deyə müşavir qeyd edib. 

M.Belyavski bildirib ki, boruların alınmasına payızda başlanacaq. O, həmçinin "Facebook" səhifəsində Polşa və Danimarkanın baş nazirləri tərəfindən iyunun 9-da imzalanan qarşılıqlı anlaşma memorandumunu xatırladıb. Bu sənəd Baltik qaz xətti layihəsinin icrasını nəzərdə tutur.