Qlobal təbii qaz ixracı artıb

Anews.az Bloomberg-ə istinadən xəbər verir ki, bu barədə BP-nin "2017 Dünya Enerji Mənzərəsi” hesabatında qeyd edilir. Bildirilir ki, mavi qaz satışlarının 68%-i (737 milyard 500 milyon kubmetr qaz) boru kəmərləri vasitəsilə, 32%-i (346 milyard 600 milyon kubmetr) mayeləşdirilmiş qaz ixracı (LNG) yolu ilə həyata keçirilib.  

Qlobal enerji bazarlarında qaz ixracı əvvəlki illə müqayisədə 4,8 faiz artaraq 1 trilyon 840 milyon kubmetr təşkil edib. 2015-də bu rəqəm 1 trilyon 340 milyon kubmetr idi.

Magistral kəmərlərlə qaz ixracında Rusiya 190 milyard 800 milyon kubmetrlə ilk sırada yer alıb. Rusiyadan sonra ikinci sırada 109 milyard 800 milyon kubmetr qaz ixracı ilə Norveç gəlir.

Dünyada 2016-da boru kəmərləri vasitəsilə ən çox qaz alan ölkə  Almaniya olub. Almaniya 99 milyard 300 milyon kubmetr qaz alıb. ABŞ 82 milyard 500 milyon kubmetr qaz idxalı ilə ikinci sırada yer alıb.  

Hesabat dövründə  qlobal bazarda ən çox mayeləşdirilmiş qaz satışı Qətər tərəfindən reallaşdırılıb.  

LNG-yə tələbat isə daha çox Yaponiya və Cənubi Koreyada olub.

Kəmərlərlə ən çox qaz ixrac etmiş ölkələr, satış həcmi  (kubmetr)

 Rusiya -190,8 milyard

 Norveç - 109,8 milyard

 Kanada - 82,4 milyard

 ABŞ - 60,3 milyard

 Hollandiya - 52,3 milyard

 Kəmərlərlə ən çox qaz idxal edən ölkələr

 Almaniya - 99,3 milyard

 ABŞ - 82,5 milyard

 İtaliya - 59,4 milyard

 Meksika - 38,4 milyard

 Çin- 38 milyard

 LNG formasında ən çox qaz ixrac edən ölkələr

 Qətər - 104,4 milyard

 Avstraliya - 56,8 milyard

 Malayziya - 32,1 milyard

 Nigeriya - 23,7 milyard

 Bruney - 21,2 mlrd

 LNG formasında ən çox idxal edən ölkələr

 Yaponiya - 108,5 milyard

 Cənubi Koreya - 43,9 milyard

 Çin - 34,3 milyard

 Hindistan - 22,5 milyard

 Tayvan - 19,5 milyard