Aİ pensiya sisteminin islahatlarında Azərbaycana dəstək olacaq

Anews.az-a bu barədə Aİ-nin Azərbaycandakı nümayəndəliyindən bildiriblər. 

Layihənin məqsədi Azərbaycanda pensiya sistemində və sosial müdafiə üzrə gələcək islahatlara vasitəçilik etmək və onları Avropa təcrübəsinə müvafiq həyata keçirməkdir.

24 ay davam edəcək layihənin büdcəsi 1,2 milyon avrodan ibarət olacaq və Azərbaycanın Əmək və Əhalinin Sosial Müdafiəsi Nazirliyi tərəfindən Fransanın sosial işlər və səhiyyə nazirliyi, əmək, məşğulluq, peşəkar hazırlıq və sosial dialoq nazirliyi, Fransanın Avropa və beynəlxalq işlər üzrə heyəti tərəfindən həyata keçiriləcək.

Bu, Azərbaycanın sosial müdafiə sahəsində Fransa ilə müştərək həyata keçirdiyi sayca üçüncü tvinninq-layihədir.