Türkiyə Azərbaycanın neft və qaz layihələrindən 15 mlrd. dollar gəlir gözləyir
17.07.2017 21:00
Trans Anadolu Təbii qaz Boru Xəttinin (TANAP) 2018-ci ildə təhvil veriləcək "Şahdəniz-2” layihəsi çərçivəsində Azərbaycan təbii qazı Türkiyəyə nəql olunacaq.
anews.az türk mətbuatına istinadən xəbər verir ki, bunu BP şirkətinin qlobal emal və marketinq üzrə icraçı direktoru Tufan Erginbilgiç deyib: "Sonrakı illərdə Azərbaycan qazı Türkiyə üzərindən Avropaya nəql ediləcək”.
O bildirib ki, dəyəri 40 milyard dollar olan "Cənub Qaz Dəhlizi” layihəsi üzrə investisiyanın 10 milyard dolları Türkiyənin payına düşür: "BP "Şahdəniz-2”-nin ən böyük səhmdarı və ortağı olacaq. TANAP boru xəttində isə 12 faizlik payımız var. "Cənub Qaz Dəhlizi” layihəsi tamamlandığı zaman Xəzər dənizinin təbii qazı tarixdə ilk dəfə Avropaya göndəriləcək. Türkiyənin buradakı rolu çox əhəmiyyətlidir”.
T.Erginbilgiç qeyd edib ki, bu günə qədər Türkiyə BTC, TANAP və "Şahdəniz” layihələrindən 8 milyard dollar qazanıb: "Bu rəqəmin 15 milyard dollara qədər yüksələcəyi istisna deyil”.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
