Banklararası kreditlər üzrə faiz dərəcəsi - “LİBOR” ləğv edilir
27.07.2017 21:40
Dünyanın ən məşhur faiz dərəcəsi ləğv edilir. Artıq bazarlarda "LİBOR+” ilə başlayan cümlələr qurulmayacaq. Çünki İngilis Maliyyə Təşkilatı (FCA) 350 trilyon dollarlıq maliyyə məhsulu üçün göstərici mövqeyə malik "LİBOR”-u 2021-ci ildən sonra ləğv etməyə hazırlaşır. Onun yerinə daha etibarlı sistemə keçmək istəyir.
anews.az xarici mətbuata istinadən xəbər verir ki, son dövrlər "LİBOR” korrupsiya alətinə çevrilmişdi. "LİBOR” faiz dərəcələrində manipulyasiya etdikləri üçün banklara qarşı 9 milyard dollar cəza tətbiq edilmişdi.
"LİBOR” – Britaniya Bank Assosiasiyası tərəfindən 10 əcnəbi valyutada, həmin faiz dərəcəsinin indeksinə daxil olan bankların (hər valyutaya görə 8-dən 20-yə qədər) sorğusu əsasında müəyyən edilir.
Təxminən 150 trilyon dollar civarında maliyyə xidmətləri LİBOR dərəcəsinə bağlıdır.
"LİBOR” - London Interbank Offered Rate, yəni London Banklararası Satış Faiz Nisbəti mənasını verir.
"LİBOR” - bir bankın başqa bir bank və ya maliyyə təşkilatından müəyyən müddətə borc almaq istəyəndə istifadə edilən faiz nisbətidir.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
