AccessBank 7 nəfərin üzünü güldürdü

Bakı, 01 avqust 2017-ci il. Bu gün AccessBank-ın Baş ofisində "Bu yay üzünüzə güləcək” lotereyasının 1-ci tirajının oynanılması baş tutdu. 1-ci tirajda Antalyaya 2 nəfərlik səyahət, 2 ədəd Apple iPhone 7 smartfonu və 4 ədəd Samsung Galaxy planşeti oynanıldı.

Kənardan dəvət olunan şəxslərdən ibarət müstəqil komissiyanın müşahidəsi ilə keçirilən uduş fondunun oynanılmasında 40 000-ə yaxın bilet iştirak etdi. 1-ci tirajın yekununa görə 7 müştəri dəyərli hədiyyələri qazandılar. Qaliblərin müştəri kodları ilə Bankın saytından tanış olmaq mümkündür.

Lotereyanın şərtlərinə görə müştərilər AccessBank-dan əldə etdikləri Mastercard ödəniş kartları ilə cəmi min. ekv. 20 AZN məbləğində nağdsız əməliyyat keçirməli idilər. Birinci turda 22 iyun – 20 iyul tarixləri ərzində nağdsız şəkildə ödənişlər edən müştərilər iştirak etdilər. Hər 20 AZN bir uduş şansı yaradırdı.

1-ci tirajın qaliblərini təbrik edirik! Xatırladaq ki, 2-ci uduş fondunun oynanılması 30 avqust 2017-ci il tarixində keçiriləcək. Sizin də qalib olmağa şansınız var! Ödənişlərinizi AccessBank-ın Mastercard plastik kartları ilə edin ki, Siz də dəyərli hədiyyələrdən birini qazanasınız.

Lotereyanın şərtləri haqqında ətraflı məlumatı Bankın rəsmi internet səhifəsindən, facebook və twitter səhifələrindən və yaxud 151 - Ümumi Məlumat Mərkəzindən əldə etmək mümkündür.