"Moody's": Rusiya iqtisadiyyatı yaxın iki ildə 1,5% artacaq

"Moody's" beynəlxalq reytinq agentliyi Rusiya iqtisadiyyatının 2017-2018-ci illərdə 1,5% artacağını ehtimal edir. "Report" "TASS" agentliyinə istinadən xəbər verir ki, bu məlumat "Moody's"in analitik icmal hesabatında qeyd edilib.

Hesabata əsasən, Rusiyada illik inflyasiyanın 2017-ci ilin sonunda 3,8%, 2018-ci ildə isə 4% olacağı proqnozlaşdırılır. Bununla yanaşı, Agentliyin analitikləri Rusiya Bankının (Mərkəzi Bank) 2018-ci ilin sonuna qədər yumşaq monetar siyasət yürüdəcəyini ehtimal edirlər.

İcmal hesabatda qeyd olunub ki, Braziliya, Hindistan, Rusiya və Cənubi Afrika Respublikasında inflyasiyanın azalması bu ölkələrdə monetar siyasətin şəraitə uyğun olaraq dəstəkləyici mövqe tutmasına imkan yaradıb.