Ukraynanın xarici borcu 76 milyard dolları ötüb

anews.az xəbər verir ki, bu barədə ölkənin Maliyyə Nazirliyi məlumat yayıb. Qeyd olunur ki, dövlət təminatlı borcun həcmi 1,971 trilyon qrivin təşkil edir. Bir ay əvvəl isə bu rəqəm 1,957 trilyon qrivin olub. Borcun artmasına səbəb qrivinin rəsmi məzənnəsinin dollara nisbətdə dəyərdən düşməsidir.

Ukrayna rəsmilərinin açıqlamalarına görə, hökumət hər il xarici borclar üzrə xidmətə 100 milyard qrivin - dollar ekvivalentində 3,8 milyard dollar xərcləyir. 2019-cu ilin sonuna qədər rəsmi Kiyev borc öhdəliklərinin icrasına 12,8 milyard dollar sərf etməlidir.