Azərbaycana 1 mln. tut tingi gətirildi
30.11.2017 22:45
Kənd Təsərrüfatı Nazirliyi (KTN) Azərbaycanda baramaçılığın yem bazasının formalaşdırılması, tut (çəkil) tinglərinin tədarükü, barama toxumçuluğunun təşkili və digər istiqamətlər üzrə müvafiq tədbirlərin həyata keçirilməsini davam etdilir. Bu tədbirlər çərçivəsində Çindən Azərbaycana 1 mln. ədəd tut (çəkil) tingləri gətirilib.
Anews.az bu barədə nazirliyə istinadən xəbər verir.
"Rayonlarda yeni intensiv tipli tut (çəkil) bağlarının salınması məqsədilə tut tinglərinin alınması üçün Çinin "Shandong Guangtong Silkworm Eggs Co” LTD şirkəti ilə tender müqaviləsi bağlanılıb. Müqavilənin şərtlərinə uyğun olaraq şirkət tərəfindən tədarük edilmiş 1 mln. ədəd tut tingləri hava nəqliyyatı vasitəsilə Azərbaycana gətirilib", - deyə nazirliyin məlumatında qeyd olunub.
Yüklər Heydər Əliyev adına Hava Limanından nazirliyin hazırladığı bölgü əsasında, ayrılmış nəqliyyat vasitələri ilə operativ surətdə Lənkəran, Tovuz, Şəki, Bərdə və Ucar rayonlarına yola salınıb və sonradan bölgüyə uyğun olaraq bu rayonlardan ətraf 38 rayona paylanılacaq.
Qeyd edək ki, gətirilən çəkil tingləri beynəlxalq standartlara cavab verən, 2 illik calaq olunub, həm daşınmasını asanlaşdırmaq, həm də sükunət dövrünü başa vurmaq məqsədilə kök boğazından 50 sm olmaqla kəsilib hazırlanıb və fermer və sahibkarlara ödənişsiz əsaslarla veriləcək.
Gətirilmiş tinglər fitosanitar baxışdan keçirilib və bu gündən artıq rayonlarda əkininə başlanılıb.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
