“Nar” BakuTel stendində keçirilmiş müsabiqənin qalibləri mükafatlandırıldı

Dörd gün davam etmiş sərgi müddətində "Nar” stendi ziyarətçilərin böyük marağına səbəb olub. Burada maraqlı təqdimatlar, bir çox sınaqlar keçirildi, müsabiqələr və müxtəlif yarışmalar təşkil edilib. Maraqlı təqdimatlar və ziyarətçi axını sayəsində "Nar” stendi sərginin ən çox ziyarət edilən stendi seçilib.

Bakı Ekspo Mərkəzində keçirilən sərgi günlərində "Nar” stendində təşkil edilmiş müsabiqələr böyük maraq doğurub. Sərginin keçirildiyi günlərdə "İrşad Electronics” mağazalar şəbəkəsi ilə birgə təşkil edilmiş müsabiqədə "Nar” stendinin ziyarətçiləri, hər gün bir smartfon olmaqla, ümumilikdə dörd dəyərli smartfon qazanıblar. Sərgi iştirakçıları mobil operatorun ən son məhsul və layihələri ilə bilavasitə tanış olmaq fürsəti qazanıblar və "Nar” şəbəkəsinin təqdim etdiyi yüksəksürətli internet bağlantısını test ediblər.

"Azerfon” şirkəti 21 mart 2007-ci ildə "Nar Mobile” ticarət nişanı ilə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. "Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib. "Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. Mobil operator şəbəkə keyfiyyətinin davamlı təkmilləşdirilməsi strategiyası çərçivəsində səs keyfiyyətinin nəzərəçarpacaq dərəcədə artımını və səsin təmiz ötürülməsini təmin edən "HD-Voice” (High Definition Voice) xidmətini təqdim edib. "Nar” şəbəkəsi hazırda ölkə ərazisinin 93%-ni əhatə edir və 6500-dən artıq baza stansiyası ilə 2 milyondan çox abunəçiyə yüksəkkeyfiyyətli xidmət göstərir.