Neftin qiymətini bahalaşdıran səbəb

Neftin bahalaşma səbəbini anews.az-a şərh edən iqtisadçı-ekspert İlham Şaban bildirib ki, birjalara Şimal Dənizindəki ən böyük neft yataqlarından biri hesab olunan Fortiesdən (Britaniya şelfində) Britaniyaya gələn boru kəmərində (Forties Pipelines Systems) çatın əmələ gəlməsi nəticəsində kəmərin istismarının tam dayandırılması təsir edib.

İqtisadçı boru kəmərinin fəaliyyətinin nə zaman bərpa olunacağının hələ məlum olmadığını deyib: "FPS-lə 85 yataqdan hasilat nəticəsində gündəlik 400 min barel neft nəql edilir. Ona görə də vəziyyətin qeyri-müəyyənliyi neft qiymətlərini artıma doğru sövq edir".