ETSN reydlər keçirib

ETSN-dən APA-ya verilən məlumata görə, reydlər zamanı Astara rayonu ərazisində rayonun Şümrüd kənd sakini Əfrail Əmirova məxsus "QAZ-66” markalı 50BC027 dövlət qeydiyyat nişanlı avtomobilin yük yerində 5,45 m3 həcmində fıstıq cinsli işlik materialdan hazırlanmış taxta, Astara rayonu Ovələ kənd sakini Ramin Mərifova məxsus "UAZ” markalı 07BF164 dövlət qeydiyyat nişanlı avtomobilin yük yerində 2,5 m3 həcmində palıd cinsli meşə materialından hazırlanmış odun aparıldığı aşkarlanıb. Faktlarla bağlı qanun pozucuları barəsində aktlar tərtib olunub və onlara ümumilikdə 838,47 manat məbləğində ziyan tətbiq edilib.

Balakən rayonu ərazisində keçirilən reyd zamanı rayonun Püştətala kənd sakini Asif Məmmədova məxsus "UAZ-469” markalı 08BD142 dövlət qeydiyyat nişanlı avtomobilin yük yerində 2,2 m3 həcmində vələs cinsli meşə materialından hazırlanmış odun tapılıb. Faktla bağlı qanun pozucusu barəsində akt tərtib olunub və ona 34,19 manat məbləğində ziyan tətbiq edilib.

Quba rayonu ərazisində keçirilən reyd zamanı rayonun Kürkün kənd sakini Rüstəm Abdullayevə məxsus "QAZ-69” markalı  dövlət qeydiyyat nişanı olmayan avtomobilin yük yerində 1,2 m3 həcmində ağcaqayın cinsli meşə materialından hazırlanmış odun aşkarlanıb. Faktla bağlı qanun pozucusu barəsində akt tərtib olunub və ona 18,65 manat məbləğində ziyan tətbiq edilib.

Qusar rayonu ərazisində keçirilən reyd zamanı rayonun İmamqulukənd kənd sakini Məmməd Məmmədova məxsus yeşik hazırlanan sexdə 1,4 m3 həcmində fıstıq cinsli işlik materialı tapılıb. Faktla bağlı qanun pozucusu barəsində akt tərtib olunub və ona 208,70 manat məbləğində ziyan tətbiq edilib.

Xaçmaz rayonu ərazisində keçirilən reyd zamanı rayonun Xudat şəhər sakini Zeynəddin Daşdəmirova məxsus yeşik hazırlanan sexdə 2,7 m3 həcmində fıstıq cinsli işlik materialı aşkarlanıb. Faktla bağlı qanun pozucusu barəsində akt tərtib olunub və ona 402,50 manat məbləğində ziyan tətbiq edilib.

Hazırda reydlər davam etdirilir.