Mərkəzi Bank qərarını dəyişdi

Anews.az xəbər verir ki, hərrac saat 15:30-15:45 radələrində baş tutacaq. Hərracla 300 milyon manat cəlb edilməsi nəzərdə tutulur. Müddət 14 gün, faiz dərəcəsi 10,01% – 14,99% aralığında müəyyən edilib.

Xatırladaq ki, Mərkəzi Bank bir gün əvvəl növbəti depozit hərracını 2018-ci il yanvarın 5-nə təyin etmişdi. Bu gün isə ilin son depozit hərracına qərar verilib.

Qeyd edək ki, 2017-ci ildə Mərkəzi Bank tərəfindən 60 depozit hərracı keçirilib. Hərracların nəticəsi olaraq il ərzində Mərkəzi Bank kommersiya banklarına təxminən 46,9 milyon manat məbləğində faiz ödəyib.