Azərbaycana gələn turistlərin sayında 20 faiz artım olub
13.02.2018 20:42
"Azərbaycanda keçirilən beynəlxalq tədbirlər turizmin inkişafına mühüm töhfə verir". Trend-in məlumatına görə, bunu mədəniyyət və turizm naziri Əbülfəs Qarayev Heydər Əliyev Mərkəzində Bakı Şəhər Halqası və Azərbaycan Avtomobil Federasiyasının təşkilatçılığı ilə keçirilən "İrimiqyaslı idman yarışlarının keçirilməsinin ölkəyə faydaları 2018” adlı konfransda çıxışı zamanı deyib.
Ə.Qarayev bildirib ki, dünya turizminin inkişafı ümumilikdə müxtəlif ölkələrin həyatına böyük faydalar verir: "Biz də turizmin bu inkişafından istifadə etməliyik”.
Nazir qeyd edib ki, Azərbaycan turizm sahəsində böyük irəliləyişə nail olub, ötən il Azərbaycana gələn turistlərin sayında 20 faiz artım qeydə alınıb və ölkəmizə gələn turistlərin sayı 2,6 milyona yaxındır.
Ə.Qarayev bildirib ki, Azərbaycanda turizmin inkişafında ölkədə keçirilən beynəlxalq tədbirlərin mühüm rolu var: "Bu yarışlar Azərbaycanın dünyada tanınması üçün olduqca əhəmiyyətli olub”.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
