Bu yol əsaslı təmir olunur

Aərbaycan Avtomobil Yolları Dövlət Agentliyindən Axar.az-a verilən məlumata görə, Salyan və Neftçala rayonlarını birləşdirən 45 km uzunluğunda respublika əhəmiyyətli avtomobil yolu yenidən qurulur.

Hazırda yol boyu asfaltlanma işləri aparılır. Texnoloji ardıcıllığa uyğun olaraq aparılan bərpa işləri zamanı yolun 7 metr enində hərəkət hissəsi nəzərə alınmaqla təqribən 300 min kv/m-dən çox sahəyə yeni asfalt-beton örtüyünün döşənməsi nəzərdə tutulub.

Təmir-tikinti işləri çərçivəsində yol üzərində yerləşən və 66 metr uzunluğa malik avtomobil körpüsünün təmiri, məhəccərlərinin dəyişdirilməsi, həmçinin yol boyu 30 ədəd mövcud avtobus dayanacağının sökülərək yenidən tikilməsi və əlavə 4-nün inşa edilməsi işləri də görülür.