“Artımlar təsadüfi xarakter daşımır” - Səlim Müslümov

"Artımların edilməsi təsadüfi xarakter daşımır. Minimum əmək haqqı, ehtiyac meyarı, pensiyalar, təqaüdlər, sosial müavinətlər və əməkhaqları müəyyən sistem şəklində öncədən təhlil edilərək artırılıb”, bunu əmək və əhalinin sosial müdafiəsi naziri Səlim Müslümov "Xəzər Xəbər”ə açıqlamasında deyib.

Nazirin sözlərinə görə, artımla bağlı bu günə qədər 23 müxtəlif rəsmi sənəd imzalanıb ki, bu sənədlərin icrasına il ərzində 600 milyon manatın xərclənməsi nəzərdə tutulub.

Səlim Müslümov qeyd edib ki, yanvar ayı ərzində MDB məkanı üzrə Azərbaycanda inflyasiya müşahidə olunmayıb. Bu isə o deməkdir ki, həyata keçirilən artımlar real gəlirlərin təmin edilməsinə hesablanıb.