Xüsusi dövlət mərkəzi yaradılmalıdır - Millət vəkili

Axar.az xəbər verir ki, millət vəkili çıxışında autizmli uşaqlar üçün xüsusi dövlət mərkəzinin yaradılmasının lazım olduğunu deyib:

"Belə uşaqlar həmin mərkəzdə cəmiyyətə daha yaxşı inteqrasiya üçün pulsuz, dövlət hesabına peşəkar mütəxəssislər tərəfindən lazımı dəstəyi alarlarsa, onların gələcəyini xilas edə bilərik. Autizmlə bağlı ailələrin, cəmiyyətin geniş maarifləndirilməsi, peşəkar kadrların hazırlanması məsələsinə də böyük önəm verməliyik. Maarifləndirmə məsələsində hamının, o cümlədən KİV-lərin də üzərinə böyük bir missiya düşür. Bu xəstəliyi dərindən anlamaq üçün sadəcə 20 dəqiqə autizm sindromundan əziyyət çəkən ailənin qonağı olmaq kifayətdir”.

Q.Paşayeva Prezident İlham Əliyev və ölkənin birinci xanımı Mehriban Əliyevanın rəhbərliyi altında xəstəliklərlə mübarizədə ailələrə dəstək istiqamətində bir sıra dövlət proqramlarının həyata keçirilməsi ilə bağlı da danışıb.

Millət vəkili autizmli uşaqlarla bağlı dövlət dəstəkli işlərin çoxalacağına inandığını vurğulayıb.