“AtaBank” ASC reytinq şirkəti ilə əməkdaşlığı dayandırıb

Bankdan verilən məlumatda bildirilir ki, kredit reytinqi əsasən xarici bazarlardan vəsaitlərin cəlb olunması zamanı investorlar tərəfindən tələb olunur. Bu gün daxili bazardan xarici bazarlarla müqayisədə daha ucuz və kifayət qədər vəsait cəlb etmək mümkün olduğundan reytinqin saxlanılmasına ehtiyac qalmamışdır.

 

Bu səbəbdən də, "FitchRatings” şirkəti ilə Bank arasında mövcud olan və müddəti sona çatan müqavilənin uzadılmamasına qərar verilərək əməkdaşlıq dayandırılmışdır. Eyni zamanda, Bank növbəti illərdə xarici bazarlardan vəsait cəlb etmə ehtiyacı hiss edərsə "FitchRatings” şirkəti və ya digər beynəlxalq reytinq şirkətləri ilə əməkdaşlığı bərpa edəcəyini istisna etmir.