Bu dövlət müəssisələri satışa çıxarıldı

Axar.az xəbər verir ki, Əmlak Məsələləri Dövlət Komitəsi bu hərraca 164 dövlət əmlakı təqdim edib. Vətəndaşların və investorların bu dəfəki hərracda 97 kiçik dövlət müəssisə və obyektləri, 67 qeyri-yaşayış sahələri arasında seçim etmək şansı var.

Hərraca çıxarılan müəssisələr arasında İsmayıllı şəhərində yerləşən Ziyalılar evinin yarımçıq tikilisi, Qovlar tikiş fabrikinin Goranboy sahəsi, "Çinar" soyuducular zavodunun Şəmkir filialı, Gəncə şəhəri Kəpəz rayonunda yerləşən beton və məhlul istehsal edən sahə kimi əmlaklar var.