Azərbaycan-Ermənistan baş nazirlərinin görüşü gözlənilirmi?

"Ermənistanın baş naziri Nikol Paşinyanla Azərbaycan prezidentinin bu yaxınlarda görüşü gözlənilmir”.

Bunu BiG.AZ-a açıqlamasında politoloq Mübariz Əhmədoğlu deyib:

"Ermənistanı danışıqlarda kimin təmsil edəcəyi hələ də müəyyənləşdirilməyib. Əgər Ermənistanı baş nazir təmsil edəcəksə onun tərəf müqabili Azərbaycanın prezidenti ola bilməz. Çünki Azərbaycanda prezident həm dövlətin başçısıdır, həm də icra hakimiyyətinin başçısıdır. Ancaq Ermənistanda dövlətin başıçısı Sarkisyandır, əsas icra hakimiyyətinin başçısı Nikoil Paşinyandır. Paşinyan danışıqlara gələcəksə onun tərəf müqabili Azərbaycanın baş naziri Novruz Məmmədov olmalıdır. Bunun üçün də gərək cənab prezidentimiz əlavə sərəncamla baş nazirin səlahiyyətini artırsın”.

Politoloq vurğulayıb ki, Ermənistan rəhbərliyi danışıqlardan qaçır:

"Çünki həmsədrlərin hazırladığı variant Ermənistanın maraqlarına uyğun deyil. Variantda göstərilir ki, 7 rayon Azərbaycana qaytarılmalı, Dağlıq Qarabağdan qovulmuş azərbaycanlılar geri qaytarıldıqdan sonra seçki keçirilməlidir. Bu variant erməniləri qorxuya salır. Çox güman ki, yaxın günlərdə həmsədrlər Ermənistan-Azərbaycan xarici işlər nazirlərini görüşdürəcəklər. O görüşdən sonra hər şey bəlli olacaq”.
www.anews.az