İşıq, qaz və su pulunun bahalaşması xəbərlərinə RƏSMİ cavab

BAKU.WS xəbər verir ki, Tarif Şurasının verdiyi yeni qərar ilə metro nəqliyyatında sərnişindaşıma xidmətinin tarifi 1 gediş üçün 30 qəpik, Bakı şəhərində, həmçinin digər şəhər və rayonlarda sərnişindaşıma xidməti, şəhərdaxili məsafədən asılı olaraq 1 gediş üçün 30-90 qəpik təsdiq edilib. Yeni qərar avqustun 1-dən qüvvəyə minəcək.

Finans.az ictimai nəqliyyatda qiymət artımının kommunal xidmətlərə təsirini edəcəyini öyrənmək məqsədilə rəsmi dövlət qurumlarının münasibətlərini öyrənib. 

"Azərişıq” ASC-nin mətbuat xidmətinin rəhbəri Tanrıverdi Mustafayev bildirib ki, yaxın zamanda bu cür artımın bizdə də olub, olmayacağı hələ bilinmir: "Biz də icra edən qurumuq, dövlət, tarif şurası, Milli Məclis hansı qanunu versə, o qanun da icra olunacaq".

"Azərsu" mətbuat xidmətinin rəhbəri Anar Cəbrayıllı təmsil etdiyi qurumun gündəmində belə bir məsələnin olmadığını vurğulayıb.

"Azəriqaz" mətbuat katibi İbrahim Kərbalayev bildirib ki, həmin qurum tərəfindən Tarif Şurasına tariflərin artması ilə bağlı hər hansı bir müraciət olunmayıb.