Nazirlik kənd klublarını satışa çıxardı

Axar.az xəbər verir ki, Əmlak Məsələləri Dövlət Komitəsi bu məqsədlə 9 oktyabr tarixində hərrac təşkil edəcək.

Klubları hərraca Mədəniyyət və Turizm Nazirliyi, Lənkəran Regional Mədəniyyət və Turizm İdarəsi təqdim edib.

Hərraca ümumilikdə üç kəndin klubu çıxarılıb. Bunlar Velədi kənd klubu, Darquba kənd klubu və Daşdaleqjar kənd klubudur.

Velədi kənd klubu üçün ilkin start qiyməti 9000 manat müəyyən edilib.

3 işçisi ilə birgə hərraca təqdim edilən Darquba kənd klubu isə 2000 manatadır. Daşdaleqjar kənd klubu isə 6500 manata təqdim edilib.