Nəyə görə ABŞ-da benzin Azərbaycandan ucuzdur?

2010-cu ilin dekabr ayında ilk dəfə olaraq ABŞ-da benzinin pərakəndə qiyməti qallon üçün (litr üçün 79 sent) 3 dollara enib. Bu barədə Amerika Avtomobil Assosiasiyası (AAA) bildirib. Beləliklə, ABŞ-da bu dəqiqə benzin süddən ucuzdur.  Qeyd edək ki, ABŞ-da benzinin orta hesabla qiyməti ölkədə olan yanacaqdoldurma məntəqələrinin verdiyi məlumata istinadən hesablanır (Xartiya-97).ANN.Az “Exo”ya istinadən xəbər verir ki, Neft Tədqiqatları Mərkəzinin sədri İlham Şabanın dediyinə görə, ABŞ neft emalı üzrə ən qabaqcıl texnologiyaya malikdir.Onun sözlərinə görə, ABŞ-ın neft emalı zavodunun FƏƏ (Faydalı Əmək Əmsalı) dünyada ən yüksəkdir.  “ABŞ bu texnologiyanı heç kimə vermir. Qeyd etmək lazımdır ki, neft emalı üzrə zavodların əksər hissəsi ABŞ-da yerləşir”.“Yanacağın qiymətinin enməsi ilə əlaqədar istehlakçılar gündəlik olaraq 250 milyon dollar qənaət edirlər”, İ.Şaban qeyd edib.“Axı, yanacağın qiyməti bir günlük enməyib, ona görə də istehlakçıların qənaəti bir gün ilə məhdudlaşmayacaq. Bu dövr ABŞ-da bayramları əhatə edir. Bununla da istehlakçılar neftin istifadəsinə xərclənməyən pulları digər istehlakçı sahələrinə istiqamətləndirə bilərlər. Amma digər neftdən asılı ölkələr neftin qiymətlərinin enməsi fonunda dövlətin gəlirlərini artırmaq üçün vergiləri qaldırardılar. ABŞ-ın nümunəsində Atlantik okeanının o biri sahilində hər şeyin düzgün istiqamətdə getdiyini görmək olar”.Neftin ixracından asılı olan ölkələrdə vəziyyət bir qədər fərqlidir, ekspert şikayətlənir.“Neftin realizəsindən əldə edilən pulun sayəsində çox şeyi dəyişmək olardı, məhz: FƏƏ artırmaq üçün yeni texnologiyaları yaratmağa. Amma bu ölkələrin bütün ümidi yüksək qiymətlərdir. Qiymət enən kimi bütün ehtiyat milli valyutanın kursunun saxlanmasına və digər sabitləşdirici tədbirlərə sərf edilir”, - İ.Şaban bildirib.ANN.Az