Azərbaycanlının olduğu gəmidə yarıq əmələ gəldi

Oxu.Az xəbər verir ki, bununla bağlı TASS agentliyi fövqəladə xidmətdəki mənbəyə istinadla məlumat yayıb. 

"Gəmi 40 ildir istifadədir. Ekipajın bir hissəsi, daha doğrusu, yeddi nəfər təxliyyə olunub”, - mənbə bildirib. 

O əlavə edib ki, bundan sonra gəmi ilə xilasetmə xidmətinin mütəxəssisləri məşğul olacaq. 

Mənbə qeyd edib ki, "Nila” adlı gəmi Toqo bayrağı ilə üzüb və üç min ton kömür daşıyıb. Ekipaj üzvündən 10-u Ukrayna və biri Azərbaycan vətəndaşıdır. 

"Gəmi Azov dənizinin Krım sahillərindən beş mil uzaqda yerləşir. Hadisə zamanı gəmi heç bir SOS siqnalı verməyib”, - agentliyin müsahibi qeyd edib.