“Bank of Baku”-nun saytı artıq mobil versiyada xidmətinizdə!

Mobil rabitə istifadəçilərinin “Bank of Baku”-nun korporativ saytına girişini asanlaşdırmaq məqsədilə bank saytının mobil versiyası istifadəyə verilib. Artıq Windows, iPhone, Android, Blackberry əməliyyat sistemlərində fəaliyyət göstərən mobil telefonlarla sayta rahat daxil olub, bankın geniş çeşidli məhsul və xidmətlərindən daha çevik faydalanmaq olar. İstifadəçilər www.bankofbaku.com saytına daxil olub bankın xidmət və məhsullarından onlayn sifarişlər vasitəsilə yararlana bilərlər.Eyni zamanda, müştərilər mobil əlavə də (Bankofbaku app) yükləyə bilərlər.“Bank of Baku” saytının mobil versiyası sayəsində onlayn bank xidmətləri mobil rabitə istifadəçiləri üçün daha yaxın olacaq.Artıq mobil telefon sahibləri saytda istənilən menyunu açanda, müvafiq bölmə mobil telefon ekranına uyğun ölçüdə əks olunacaq və hər-hansı vizual təhrif baş verməyəcək. Beləliklə, istifadəçi standart masaüstü kompüterdən necə rahatlıqla istifadə edirsə, mobil telefonu ilə də bank saytında rahat davrana biləcək. İstifadəçi valyuta məzənnəsi, kredit və əmənət şərtləri, kredit və əmanət kalkulyatoru, tarif və faiz dərəcələri, bankın filial və bankomatlarının dəqiq ünvanı və xəritəsi ilə rahat şəkildə tanış ola biləcək.“Bank of Baku” saytının mobil versiyası sayəsində müştərilər “Bank of Baku” ilə daha rahat və çevik əlaqə saxlaya biləcək. “Bank of Baku” korporativ saytının mobil versiyasını istifadəyə verən Azərbaycanın ilk banklarındandır.Daha ətraflı:145 Məlumat Mərkəzi https://www.facebook.com/bankofbakuANN.Az